Kolhapur News: निम्म्या शहराचा पाणीपुरवठा आज बंद - water supply closed today in kolhapur

Kolhapur News: निम्म्या शहराचा पाणीपुरवठा आज बंद – water supply closed today in kolhapur

म. टा. प्रतिनिधी, कोल्हापूर

शिंगणापूर योजनेच्या खांडसरी परिसरातील जलवाहिनी दुरुस्तीसाठी आज, सोमवारी निम्म्या शहराचा पाणीपुरवठा बंद ठेवण्यात येणार आहे. दुरुस्तीमुळे ए, बी, ‘इ’ वॉर्ड या भागांसह संलग्न उपनगरे व ग्रामीण भागातील पाणीपुरवठ्यावर परिणाम होणार आहे. दुरुस्तीनंतर मंगळवारी कमी दाबाने पाणीपुरवठा होणार असल्याचे पत्रक महापालिकेच्या शहर पाणीपुरवठा विभागाने प्रसिद्धीस दिले आहे.

शिंगणापूर योजनेतील जुन्या आपटेनगर पंपिंगकडे जाणाऱ्या खांडसरी येथील ११०० मिमी व्यासाच्या जलवाहिनीला गळती लागली आहे. गळती काढण्यास सोमवारी सकाळपासून सुरुवात होणार आहे. त्यामुळे ‘ए’ वॉर्डातील साळोखेनगर टाकी, कणेरकर नगर, बापूरामनगर, आयटीआय, कळंबा जेल, आपटेनगर, दत्तोबा शिंदेनगर, जीवबानाना पार्क तसेच सुभाषनगर पंपिंगवर अवलंबून असणारा दादू चौगुले नगर व जरगनगर, रामानंदनगर, रायगड कॉलनी, संभाजीनगरचा काही भाग, एलआयसी कॉलनी, देवकर पाणंदचा काही भाग, साळोखे पार्क, जवाहरनगर, वाय. पी. पोवार नगर व टिंबर मार्केट, गंजीमाळ, वारे वसाहत, विजयनगर इत्यादी भागात पाणीपुरवठा होणार नाही. तर ‘इ’ वॉर्डातील राजारामपुरी वितरण व्यवस्थेवर अवलंबून असणारा सम्राटनगर, प्रतिभानगर, सायबर चौक, संपूर्ण राजारामपुरी, शाहू मिल, उद्यमनगर, राजेंद्रनगर, टाकाळा, दौलतनगर, शाहूपुरीतील काही भाग, पाचबंगला, साइक्स एक्स्टेंशन, कावळा नाका, रूईकर कॉलनी, लिशां हॉटेल, सह्याद्री सोसायटी, कदमवाडी, राजीव गांधी वसाहत, लोणार वसाहत, शिवाजी पार्क, महाडिक वसाहत या ठिकाणी दैनंदिन पाणीपुरवठा ठप्प राहणार आहे. दुरुस्ती कालावधीत महापालिकेच्या टँकरद्वारे पिण्याचे पाणी पुरविण्यात येणार आहे.

Source link

[


]

Leave your comment
Comment
Name
Email