जिल्हा सहकारी बँक : पनवेलजवळ भीषण अपघात - the accident took place near panvel on the mumbai-pune expressway

जिल्हा सहकारी बँक : पनवेलजवळ भीषण अपघात – the accident took place near panvel on the mumbai-pune expressway

कोल्हापूर :


मुंबई-पुणे एक्स्प्रेस वेवर पनवेलजवळ झालेल्या भीषण अपघातात कोल्हापूर जिल्हा सहकारी बँकेतील साखर कारखाना कर्जपुरवठा विभागाचे व्यवस्थापक रणवीर चव्हाण (वय ५१ रा. मूळ सांगली) यांचा जागीच मृत्यू झाला. मंगळवारी पहाटे खंडाळा घाटातील खोपोली एक्झिटजवळ ट्रक आणि एर्टिंगा कारचा भीषण अपघात झाला असून वाहनातील अन्य दोन जण जखमी झाले आहेत.

पोलिसांनी दिलेल्या माहितीनुसार, रणवीर चव्हाण आणि सरसेनापती संताजी घोरपडे कारखान्याचे दोघे अधिकारी सोमवारी रात्री खासगी वाहनाने मुंबईला निघाले होते. साखर कारखान्याच्या कर्जाबाबत ग्रामविकासमंत्री हसन मुश्रीफ यांच्या सोबत मंत्रालयात बैठक होती. त्यासाठी ते प्रस्ताव घेवून चालले होते. त्यांच्या कारने ट्रकला मागून धडक दिल्याने हा अपघात झाल्याची माहिती जिल्हा बँकेच्या कर्मचाऱ्यांनी दिली. त्यांच्या अपघाती मृत्यूने केडीसीसीमध्ये हळहळ व्यक्त होत आहे. अपघातात कारचालकासह चौघेजण जखमी झाले असून दोघांची प्रकृती गंभीर आहे.

Source link




]

Leave your comment
Comment
Name
Email